index introductio imagines || partitura exemplar translatio

bibliographia e-mail

CTH 811

Exemplar --

Citatio: L. Savino (ed.), hethiter.net/: CTH 811 (Expl. --, 23.12.2022)

§1

1 -- ana ṣibit li[bi KU]R-î nasāḫim

2 -- šinat ANŠE balṭim [di]rratam u SÍG KUN-šu TI-qe[m]a

3 -- šinat ANŠE ina IM ša É ṭuppi ḪE.ḪE

4 -- tarâk

5 -- 2 ANŠEḫi.a DÙ-uš

6 -- dirratam ana dirrati SÍG KUN ana SÍG KUN-šu GAR-an

7 -- gišGU.ZA DÚSU ša IM išarim DÙ-uš

8 -- ina muḫḫi DÚSU ALAN x andunāni GAR-an

9 -- ALAN andunāni ša šinat LÚ-lim ša NAM.TAR DAB-šu

10 -- SÍG suḫātišu SÍG GAB-šu u liqit UMBIN-šu itti IM šuatim tuballalma

11 -- ALAN teppuš

12 -- TÚG tulabbassu

13 -- túgBAR.SI tuapparšu

14 -- ina muḫḫi tušarkabšu

15 -- 2 ANŠEḫi.a surrudu [š]a ina pān DÚSU DU-kū

16 -- 1-en azamilla [ZÌ.DA(?)] tumalla

17 -- na muḫḫi GAR-an

18 -- [2-a] azamilla ša ZÌ.DA malât [ina] muḫḫi šanî GAR-an

19 -- [ALAN] ša IM teppušma

20 -- [TÚ]G tulabbassu

21 -- gišŠU.KIN ŠU-šu GAR-an

22 -- EGIR ANŠEḫi.a tulzassu

23 -- túgBAR.SI tuapparšu

24 -- ALAN andunāni ša DÚSU rakbu ana ANŠEḫi.a tulzassu

25 -- u ALAN ANŠEmeš ina ÙR ana pān d20 tušellima

26 -- ZÌ.DA ZÚ.LUM ZÌ.EŠA sirqa ana pān d20 tasarraq

27 -- EGIR-ki sirqī 2 ANŠEmeš ana IGI d20 tulzassu

28 -- EGIR ANŠEmeš gišTUKUL tulzaz

29 -- lúāšipu ana IGI d20 kīam iqabbi

§2

30 -- d20 bēl šipṭi u dīnim attā

31 -- [ina] UGU 〈milki〉 malkī maḫar malkī [rab]ûtī rabâta

32 -- dīn AN.TA-ti ana šaplâti

33 -- [d]īn šaplâti ana AN.TA-ti tubbal

34 -- [an]a NENNI DUMU.NENNI ša DINGIR-šu NENNI [dINNIN]-šu NENNI-tum

35 -- ša li’bu ṣabtušu lā idû

36 -- [mitum balṭum] ṣabtušu lā idû

37 -- [ ... ]

38 -- [ ... ]

39 -- [dGIDIM DAB-uš dGIDIM.IM.RI.A ṣabtuš lā idû]5

40 -- [dGIDIM mutaggi]šu [DAB-uš NU.ZU.A]

41 -- [dGIDIM murtappidum DAB-uš] lā [idû]

42 -- [namtaru asakku šuruppû tānēḫi] DAB[-uš lā idû]

43 -- [ ... ]

44 -- x x [ ... ]

§3

45 -- ūmu mala ak-[ x x x x ALAN ANŠEmeš] ištu ÙR tu[šerred]

46 -- [ištu É teleqqe]ma

47 -- ana kīdim tušeṣ[i]

48 -- [u ana IGI ALAN] andun[āni] lúGIG kīam [iqabbi]

49 -- li’[bu ša] ina UZU-ia tabban[û]

50 -- [x x x x l]il?

51 -- ana dināniya ana[ddinka kâš]a

52 -- lu tattall[ak]

53 -- [lā takalla]

54 -- ana dUTU taqabbi

55 -- ana andunān NENNI DUMU.NENNI nadnāku

56 -- ṣuddāku

57 -- lu tattallak

58 -- ana UGU lúGIG kīam taqabbi

59 -- 7 NINDA ḪÁD.DA 7-ša tukapparšu

60 -- ana IGI dUTU ALANmeš u ANŠEmeš ina giMA.SÁ.AB GAR-an

61 -- 7 SÌLA ZÌ.DA 7 SÌLA ZI.EŠA 7 SÌLA ZÚ.LUM 7 SÌLA Ì.GI[Š] ana KI tarâk

62 -- LÚ.BI UR5.GIN7 tušadbab[šu]

§4

63 -- dNISABA elleta ša ina kuzub nišī šaknat

64 -- DINGIR-lum ana NAM.ÉRIM pašāri iṣīrum šimatki

65 -- ina ūmi annî ša ana É annî īruba

66 -- nīš DINGIR-lì aškun

67 -- ṭardāta

68 -- tattallak

69 -- lā takalla

70 -- u EGIR ANŠEmeš GI.IZI.LÁ dugSAG šunūti tušba’a

71 -- amīlūti tattanaddi

72 -- uṣurta teṣṣar

73 -- kīam taqabbi

74 -- [x x x x x tummāt]a

75 -- lā [x x x x]

76 -- [de]nl[il tu]m[m]āta

77 -- lā [x x x]

78 -- dNIN.LÍ[L KI.]MIN K[I.MIN]

79 -- dASALLUḪI KI.MIN [KI.MIN]

80 -- dbaba kallatum [KI.MIN]

81 -- dNIN.GI5.ZI.DA gi[šG]U.ZA.L[Á GAL KI.MIN]

82 -- lū šuṣâta

83 -- lū ku[ššudāta]

84 -- lū ṭardāta

85 -- lū ta[ttallak]

86 -- ištu ūmi annî pū[ḫ amīlim] u muššulišu zu[nnunāta]

87 -- KASKAL-ka šušurat

88 -- leqi [padān]

89 -- [ur]ušu

90 -- isi

91 -- rîq

92 -- a[tlak]

93 -- nīš DINGIRmeš GAL.GAL lū šuss[âta]

94 -- ša uṣurti ša ina ŠU-ka

95 -- ebiṭma

96 -- lā taturra

97 -- lā tasaḫḫara

98 -- ašar ṭardāta lū tattallak

99 -- ištu É-ti teleqqema

100 -- ana kīdi tušeṣi

101 -- ištu kīdi ana ešēgi wāṣî ZÌ.KUM ZÚ.LUM ZÌ.EŠA tasarraq

102 -- EGIR riksi 2 ANŠEmeš ana IGI dUTU tulzaz

103 -- EGIR ANŠEmeš gišTUKUL tulzaz

104 -- ANŠE ša ALAN andunāni rakbu EGIR-ki gišTUKUL tulzaz

105 -- dUTU ana maḫrika ašlim

106 -- ana EGIR-ka ūl ašlim

107 -- dUTU bēl šipṭi dīnim attā

108 -- muḫ milki malkī maḫar malkī rabûti rabâta

109 -- dīn AN.TA-tim ana KI.TA-tim

110 -- dīn KI.TA-tim ana AN.TA-tim tubbal

111 -- ana NENNI DUMU.NENNI ša DINGIR-šu NENNI dINNIN-šu NENNI-tum

112 -- ša libu ṣabtuš NU.ZU

113 -- mītum balṭum ṣabtuš NU idû

114 -- dGIDIM DAB-uš dGIDIM.IM.RI.A ṣabtuš NU.ZU.A

115 -- dGIDIM muttaggišu ṣabtuš NU.ZU.A

116 -- dGIDIM murtappidum DAB-uš NU.ZU.A

117 -- namtarru asakku šuruppû tānīḫi DAB-uš NU.ZU.A

118 -- ardanānu mītum dGIDIM lemnu ṣabtuš NU.ZU

119 -- dlamaštum dlabāṣu daḫḫāzu DAB-uš

120 -- ennungal qišātī māḫiṣ muḫḫi

121 -- murammû SA

122 -- mubbil līq pî

123 -- nasiḫ libbi

124 -- muštemidu kalatēšu

125 -- ana tuklat dUTU nīš DINGIR-li GAL-ti ana KAxU-šu aškun

§5

126 -- ana IGI d20 lúa-ši-pu UR5.GIN7 taqabbima

127 -- ešēgu ṣīt enlil attā

128 -- aššum NENNI DUMU.NENNI ša DINGIR-šu NENNI dINNIN-šu NENNI-tum

129 -- ša NAM.TAR asakku libu dGIDIM muttaggišu dGIDIM murtappidum libu ḪUR.SAG-i ṣabtuš

130 -- anāku kâša aṣabbatka

131 -- ana dUTU qibī

132 -- dubbibšu

133 -- NENNI DUMU.NENNI ša libu DAB-uš limešširma

134 -- anāku [kâša(?)] lumašširka

135 -- Ì ana [muḫḫi(?)] ešēgi tatabbak

136 -- [x x e]šēgi šuātum ana úAŠKI KÉŠ.DA

137 -- [x x x u]š SAG.DU-sa NÍGIN.NÍGIN-ma kiām DU11

138 -- DINGIR-lum [x] x x-ti ina UGU-ka ulliḫ

139 -- dUTU l[i’ba ša KUR-i] amīla lumašširma

140 -- anāku kâša lum[aš]širka

141 -- ina IGI GARZA paṭārika

142 -- [NINDA a]bla ša 1 [SÌLA] GAR-an-ma

143 -- 2 ša KÙŠ teṣṣi[rm]a

144 -- u 7 gišḪURmeš ana IGI 7 teṣṣir

145 -- ēma uṣurātī NINDA abla ša 〈1 SÌLA〉 GAR-an

146 -- ana EGIR-ka lā tapallas

147 -- nīš DINGIRmeš GAL-ti ana pîšu GAR-an

148 -- ABUL ina erēbika

149 -- ida ana idi ZÌ.DA ŠUB-di

150 -- u ṣirqa ina MURUB4-ti ŠUB-di

151 -- u ana 2 gišIGmeš ša ABUL ida ana idi tattanandima

152 -- utammika DINGIRmeš GAL.GAL

153 -- ša ŠÀ úešegi KÁ petetam lā irrubamma

154 -- EGIR ša nadnuku lū tattallak

155 -- ana libbi ZÌ.DA ša inaqqû

156 -- MUN u ZÀ.ḪI.LIsar ḪE.ḪE

§6

157 -- š[umma ana li’bi ṣibi]t KUR-i nasāḫim

§7

158 -- [DIŠ amēlu li’]bu ṣibit KUR-i DAB-suma

159 -- [umašširš]uma

160 -- ina U4.3.KÁM DAB-su

161 -- [x x] irtedaššu

162 -- umma ṣarḫa li’ba danna u zū’tam mātam TUG.TUG-ši

163 -- silī’tašu utarrikma

164 -- [...] x ittadimšu

165 -- enūma šipiršu iṣabbatušu

166 -- SAG.DU-su tukâl

167 -- 1 SÌLA šemLI 1 SÌLA úLAL tapaš

168 -- ina Ì.GIŠ ḪE.ḪE

169 -- ašar šipiršu ušarru

170 -- arāpura arābāpura ÉN24 ŠID-nu

171 -- adi igammaru

172 -- enūma ṣibtišu utašširušu

173 -- Ú u ÉN NU tunakkar

174 -- annâm GUR.GUR-ma

175 -- šipiršu išallim

§8

176 -- [DIŠ KI.MIN] x x [x x x x x]

177 -- mūṣu isqūqu [x x x x x]

178 -- SAḪAR.ZABAR ša IGI ALAN ša [DN] u gišMA.NU ina SÍG? SILA4 GÌŠ!.NU.ZU NÍGIN.NÍGIN-ma

179 -- ina ulinni ša munusÁŠ.GAR GÌŠ.NU.ZU BABBAR u GE6 tarakkasma

180 -- ina GÚ-ša GAR-anma

181 -- TI-uṭ

§9

182 -- DIŠ KI.MIN

183 -- na4mūṣu LIGIDBA ZÚ.A.AB.BA UŠ11 dITU5 1-niš tasâk

184 -- Ì.GIŠ ḪE.ḪE

185 -- SAG.KI-šu TAG.TAG-ma

186 -- u šapal GÌRmeš-šu ŠÉŠ-suma

187 -- TI-uṭ

§10

188 -- DIŠ KI.MIN

189 -- A.RI.A A.ZA.LU.LU TI-qema

190 -- ina ak ŠID NÍGIN.NÍGIN

191 -- ina KUŠ UDU.RI.RI.GA tasappi

192 -- ina GÚ-ša GAR-anma

193 -- TI-uṭ