index introductio imagines || partitura exemplar translatio

e-mail

CTH 371.1

Exemplar --

Citatio: E. Rieken et al. (ed.), hethiter.net/: CTH 371.1 (Expl. --, 24.11.2016)

§ 1'

1 -- n=ašt[a ... takn]āš dUTU-i DINGIRMEŠ-ašš=a šipant[i]

2 -- nu kē [ ... ]

§ 2'

3 -- duwa[ddu taknāš] dUTU-i

4 -- kāša SAG.DU-za LUGAL-uš mukiškezz[i]

5 -- nu=z(a) [ … ]

6 -- [ … ]x2-i šer=šit dārāi

7 -- DINGIR-LAM=du=z(a) yēt

8 -- [ … ] nē-[ … ] IṢBAT

9 -- taknā=aš ḫaliḫlištari

§ 3'

10 -- takku=a[n attaš]=šiš kušduwāet

11 -- zig=an lē ištamašši

12 -- ta[kku=an] ann[aš=šiš kušd]uwāet

13 -- zig=an lē ištamaš[š]i

14 -- takku=an [ŠEŠ-ŠU] kušduwāet

15 -- zig=an lē ištamašši

16 -- takku=an NIN-SU kušd[uwāet]

17 -- zig=an lē ištamašši

18 -- takku=an LÚgainaš=šiš LÚaraš=ši[š] kušduwāet

19 -- zig=an lē ištamašši

§ 4'

20 -- āššū IGIḪI.A-KA lāk

21 -- LIM laplippuš kar(a)p

22 -- n=a[- … L]UGAL-un anda āššu šakuwaya

23 -- GEŠTUḪI.A-KA lāk

24 -- nu āššu uttar [i]štamaš

25 -- nu=ššan ANA MUKAM-[ … ] parā nanni

26 -- n=an=kan i[dālawaz] ⌈dā ⌉

27 -- [n]=an āššawi pēdi tittanut

28 -- nu utniyanti miy[a- … ]

29 -- nu māu šišdu

30 -- nu ANA DINGIRMEŠ NINDA.GUR4.RAḪI.A GEŠTIN išpanduzz[i] aršiyattaru

§ 5'

31 -- duwaddu taknāš dUTU-aš dLAMMA-ŠU

32 -- DI-ma tuel ēštu

33 -- nu zi[k] azzikkī akkuškī

34 -- nu taknāš dUTU-i peran LUGAL-un āšš[u] memiški

35 -- n=ašta ŠUMMI LUGAL taknāš dUTU-i peran āššu tar(a)ški

36 -- [ … ] ABU-ŠU AMA-ŠU ŠEŠ-ŠU NIN-SU LÚgainaš=šiš LÚaraš=šiš kušduwāezzi

37 -- z[i]g=an lē tarnatti

§ 6'

38 -- duwaddu taknāš dUTU-waš LÚSUKKAL-ŠU

39 -- DI-ma tuel ēštu

40 -- nu [ … ] azzikkī akkuškī

41 -- parā=ma QATAMMA memai

§ 7'

42 -- duwaddu taknāš dUTU-waš [AR]ADMEŠ-ŠU

43 -- šašnušgatteni(y)=a[n] [t]ašnuškettani(y)=an kwiēš

44 -- DI-ma šumenzan ēš[tu]

45 -- [ … ] ēzzašten ekutten

46 -- parā=ma QATAMMA memai

§ 8'

47 -- [duw]addu ddārawa

48 -- DI-ma tuel ēštu

49 -- nu [ … azzi]kkī akkuškī

50 -- nu taknāš dUTU-i pera[n … āššu m]emiš[ki ]

51 -- n=ašta ŠUMMI LUGAL taknāš dUTU-i [ … ]

52 -- takku=an ABU-Š[U A]MA-ŠU ŠEŠ-ŠU NIN-SU LÚ[gainaš=šiš LÚaraš=ši]š kušduwā[et ]

53 -- zig=an lē tarn[atti ]

§ 9'

54 -- [duwadd]u dparāya

55 -- DI-ma tuel ēštu

56 -- nu zi[k … akku]škī

57 -- nu taknāš dUTU-i peran LUGAL-un āšš[u memiški]

58 -- n=[ašt]a ŠUMMI LUGAL taknāš dUTU-i peran āššu tar(a)ški

59 -- [ … ] A-BU-ŠU AMA-ŠU ŠEŠ-ŠU NIN-SU LÚgainaš=šiš LÚaraš=š[iš] kušduwāet

60 -- zig=an ⌈lē⌉ tarnatti

§ 10'

61 -- duwadu dGAL LÚ.MEŠ[ … ]

62 -- [ … t]uel ēštu

63 -- KI.MIN

§ 11'

64 -- duwadu dGAL LÚ.MEŠŠU.I

65 -- DI-ma [ … ] ēštu

66 -- KI.MIN

§ 12'

67 -- duwa[dd]u dḫilaššiš

68 -- DI-ma tuel ēštu

69 -- KI.MIN

§ 13'

70 -- nu mān uwatteni

71 -- n=ašta āššu šarā udatten

72 -- māu šišdu

73 -- nu EGIR.UD-MI [DING]IRMEŠ-nan uddār irḫān ēšt[u ]

74 -- maḫḫan taknāš dUTU-un irḫāet

75 -- katta=ma šumāš irḫāet

76 -- [... LUGAL]-un appašiwatta [ir]ḫatten

77 -- nu=ššan ANA UDKAM.ḪI.A [ … ]

§ 14'

78 -- n=an=kan idālauwaz dātten

79 -- n[a- … ]

80 -- mān uwatteni=ma

81 -- nu=šmaš pera[n ... ]

82 -- [ ... ] ašandu

83 -- nu taknāš dUTU-waš pera[n … ]

84 -- nu LUGAL-waš ŠUM-ŠU āššu [ … ]

§ 15'

85 -- kušduwata [ … ]

86 -- n=aš lē e-[ … ]

87 -- kwēl id[a- … ]

§ 16'

88 -- uddā[r … ]

89 -- iš-[ … ]

§ 17'

90 -- [ … ]