index introductio imagines || partitura exemplar translatio

e-mail

CTH 373

Exemplar --

Citatio: E. Rieken et al. (ed.), hethiter.net/: CTH 373 (Expl. --, 11.12.2017)

§ 1'

1 -- n[u ... ]1

2 -- kwi[š=še]=ššan DINGIR-uš ḫatuggā-[ … ]-a šāet

3 -- n[u=z(a)=kan … ] dam[a]tta naiš

4 -- nu ANA mkan(tuzi)li iyauwa UL pāi

5 -- nu=ššan DINGIR-u[š … ] mān=[aš t]aknī

6 -- zig=a dUTU-uš katti=ši paiši

7 -- nu īt apedani ANA DINGIR-YA tēt

8 -- n[u=šši] ŠA mkantuzili uttār=šet āppa tarkumiyai

§ 2'

9 -- ammel3 DINGIR-YA kwit=mu=z(a) AMA-YA ḫāšta

10 -- nu=mu ammel DINGIR-YA šallanuš

11 -- nu=mu=šša[n … ] išḫiešša=mitt=a zik=pat DINGIR-YA

12 -- nu=mu=kan āššawaš antuḫšaš anda zik=pat [ … ] ḫar(a)pta

13 -- innarāuwanti=ma=mu pēdi iyauwa zik=pat DINGIR-YA maniyaḫta

14 -- [ … ] ammel DINGIR-YA mkantuzilin tuggaš=taš ištanzanaš=taš ARAD-KA ḫalzaet[ta]

15 -- nu=z(a) DUMU-annaz kwit ŠA DINGIR-YA duddumar natta šākḫi

16 -- n=at U[L] ganešm[i]

§ 3'

17 -- kwit=a6 imma miešḫati

18 -- nu=z(a)=(š)ta ŠA DINGIR-YA duddumar ḫattata ḫūmanta šakinun

19 -- nu ANA DINGIR-YA UL kuššanka linkun

20 -- lingainn=a=š[t]a UL kuššanka šarraḫḫat

21 -- šiuni=mi=ma=mu kwit šuppi adanna natta ara

22 -- n=at UL kuššanka edun

23 -- nu=z(a) tuekka(n)=man natta papraḫḫun

§ 4'

24 -- GU4-un=a=šta8 ḫāliaz āppa UL kuššanka karšun

25 -- UDU-un<n>=a=šta ašaunaz EGIR-pa KI.MIN

26 -- NINDA-an=z(a) wemiyanun

27 -- n=an=z(a) AḪITI=YA natta kuwapikki edun

28 -- wātar=ma=z wemiya<nun>

29 -- n=at AḪITI=YA UL kuwapikki ekun

30 -- kinun=a=man mān lazziaḫḫat

31 -- nu tuel šiunaš uddanta natta SIG5-aḫḫat

32 -- mā(n)=man innaraḫḫat=ma

33 -- nu tuēl šiunaš uddanta UL innaraḫḫat

§ 5'

34 -- ḫwišwatar=m(u)=apa10 anda ḫingani ḫaminkan

35 -- ḫingan=a=m(u)=apa anda ḫwišwanni=ya ḫaminkan

36 -- dandukišnaš=a DUMU-aš uktūri natta ḫwišwanz(a)

37 -- ḫwišwannaš UDḪI.A-ŠU kappuwanteš

38 -- mā(n)=mman dandukišnaš=a DUMU-aš uktūri ḫuw[i]šwanz(a) ēšta

39 -- man=ašta mān [a]ntuwaḫḫaš idāluwa inan arta

40 -- man=at=ši natta kattawatar

§ 6'

41 -- [kinun]=a=mu=z(a) ammel11 DINGIR-YA ŠÀ-ŠU ZI-ŠU ḫūmantet kardit kīnuddu

42 -- nu=mu wašdul=mit [tēdd]u

43 -- n=e=z=(š)an ganešmi

44 -- naššu=mu DINGIR-YA zašḫeya mēmau

45 -- nu=mu=z(a) DINGIR-YA ŠÀ-ŠU kinuddu

46 -- [ … wašd]ul=mit tēddu

47 -- n=e=z=(š)an ganešmi

48 -- našma=mu MUNUSENSI mēmau

49 -- [ … Š]A dUTU LÚAZU IŠTU UZUNÍG.GIG mēmau

50 -- nu=mu=z(a) DINGIR-YA ḫūmantet kardit [ … ] kīnuddu

51 -- nu=mu wašdul=mit teddu

52 -- n=e=z=(š)an ganešmi

§ 7'

53 -- [ … taš]numarr=a12 āppa zik=pat ammel DINGIR-YA piški

§ 8'

54 -- [ … LÚSIPAD-ŠUN]U13 zik

55 -- nu=tta ḫūmantiya ḫalukaš=tiš [ … ]

56 -- [ … ] šāet

57 -- nu=mu=ššan arḫa paškutta

58 -- āppa=ya=mu=z(a) [ … ]

59 -- [nu=mu ḫ]wišnuddu

60 -- nu=mu kwiš DINGIR-YA inan paiš

61 -- nu=mu genzu [ … ]16

62 -- [ … in]ani peran tariaḫḫun mali[k]kun

63 -- nu=z(a) namma UL taruḫmi

64 -- [ ... -]lu māḫḫan arirrišta

65 -- nu=m[u ... ]-ki naitta

§ 9'

66 -- [ ... ] katta namma ešaru

67 -- n=at āp[pa ka]rdi=šši madu

68 -- [ ... ] inanaz [aw]an arḫa namma titnut

69 -- [dUTU-u]š šuwāru mayanz(a) [ŠA dSÎ]N Ù dNIN.G[AL ... -Š]UNU zik

70 -- kāš[a=tt]a mkantuziliš ARAD-KA [ ... ] ḫalziḫḫun

71 -- nu=mu ḫwišnut

72 -- [nu=ddu]=z(a)=šta k[āša] mēmiškemi

§ 10'

73 -- dUTU-i20 išḫā=mi kāša=z mkan(tuzil)iš DINGIR-YA daššanuškē[mi]

74 -- [nu=mu DINGI]R-YA ištamašdu

75 -- uk=z(a) niku mkan(tuzil)iš ANA DINGIR-YA kwit iyanun

76 -- nu kwit [waštaḫḫu]n

77 -- šiyuni=mi zik=mu iyaš

78 -- zik=mu šamnāeš

79 -- kinun=a=tta mk[an(tuzil)iš kwi]t iyanun

80 -- LÚDAM.GÀR-š=a LÚ-aš dUTU-i GIŠēlzi ḫarzi

81 -- nu GIŠēlzi maršanuzz[i]

82 -- [ug=a ANA] DINGIR-YA kwit iyanun

§ 11'

83 -- nu=mu É-YA inani peran pittuliyaš É-er kišat

84 -- nu=mu pittuliyai peran ištanzaš=miš tamatta pēdi zappiškezzi

85 -- nu MU-ti mieniyaš armalaš maḫḫan

86 -- nu=z(a) ūkk=a QATAMMA kišḫat

87 -- kinun=a=mu=ššan inan pittuliyašš=a makkēšta

88 -- n=at šiyuni=mi tuk mēmiškemi

§ 12'

89 -- išpanti=mu=ššan22 šašti=mi šānezziš tešḫaš natta ēpzi

90 -- nu=mu=ššan šēr aššul natta išduwari

91 -- kinun=a=m(u)=apa [DINGIR-Y]A innarau[w]ār Ù dLAMMA anda tūriya

92 -- mān=mu=kan annaz=ma karta[z k]ī inan gul(a)šta

93 -- ug=a=at=z(a) āppa MUNUSENSI-ta natta kuššanka punuššun

§ 13'

94 -- kinun=a23 šiuni=mi peran tuwaddu ḫalziššaḫḫi

95 -- nu=mu DINGIR-YA ištama[š]

96 -- [nu=m]u LUGAL-an āški DINGIR-YA UL aššanuwandan anduḫšan lē iššatti

97 -- nu=mu da[nduk]išnaš DUMU-li peran šā[kl]i(n)=man lē GÙB-laḫḫiškeši

98 -- āššu kwiuš iššaḫ[ḫun]

99 -- [nu] ḫwišnuzzi UL kwišk[i]

100 -- [nu=m]u DINGIR-YA [ ... ]-zi

101 -- annaš=miš=a=mu [ ... NU.GÁ]L

102 -- [zi]k=pat=mu=z[(a) … ]

103 -- [ ... ]