index introductio imagines || partitura exemplar translatio e-mail

CTH 382

Exemplar --

Citatio: E. Rieken et al. (ed.), hethiter.net/: CTH 382 (Expl. --, 05.01.2016)

§ 1

1 -- d10 EN AN KI LUGAL DINGIRMEŠ ḫalziyawen

2 -- nu=šši ḫarātar waštull=a p[e]ran t[arnumeni]

3 -- dḫepat=ma MUNUS.LUGAL ŠAME ḫalziyawen

4 -- nu ŠA d10 TUKU.TUKU-an peran [l]ā[weni ... ]

5 -- nu ŠA d10 TUKU.TUKU-an peran lāweni

6 -- DINGIRMEŠ KUR.KURḪI.A ḪUR.SAGMEŠ ÍDMEŠ al[tanni- ... ] dḫuzzi dḫutanni ḫalziyawen

7 -- nu ŠA d10 TUKU.TUKU-an peran l[āweni ... ]

8 -- nu ŠA d10 TUKU.TUKU-an peran lāweni

9 -- AN KI ḫalziyawen

10 -- AN apiya k[wit ... ]

11 -- kinuna apāt=pat AN šer artari

12 -- KI-aš=ma kwiš apiya kattan [ ... ]

13 -- AN-aš dUTU-uš apiya kwiš ANA AN-E šer artat

14 -- kinun=aya1 apāš [ ... ]

15 -- n=aš ANA ŠA d10 šāuwarri EGIR-pa lānni kutruwanni artar[i]

16 -- [ ... ] ḫalziyawen

17 -- ŠA d10 TUKU.TUKU-an peran lāweni

18 -- nu DINGIRMEŠ ANA DINGIRMEŠ [ ... ]2

19 -- nu ZI DINGIR-LIM ANA DUMU..U19.LU ANA KUR-TI menaḫḫanda takšulāeddu

20 -- nu=kan [ ... ]

21 -- kinuna takšulit IGIḪI.A-it anda au

22 -- dUTU-ŠI=(š)maš3 mNIR.GÁL EN KUR.KURḪI.A kāša [ ... ]4 a[rkuwa]r i[yami]

23 -- n=at d10 EN-YA ištamašdu

24 -- nu=z(a) KUR.KURḪI.A-aš waštulḪI.A maḫḫan EGIR-pa lāmi

25 -- [n=at=z](a) k[ī] arkuwar iyam[i]

26 -- n=at d10 EN-YA ištamašdu

§ 2

27 -- mān=kan d10 DINGIR-LUM KUR-TI kwiški TUKU.TUKU-nut

28 -- kinuna dA.NUN.NA.KE4 d10-an ANA DINGIR-LIM apēdan[i mena]ḫḫanda takšulāndu

29 -- nu d10 KUR-TAM anda takšulit IGIḪI.A-it namma au

30 -- nu=kan ŠÀ KUR-TI āššu takšul aššu[l miy]atar iyatar :tarāwiy[5 ... ]6

§ 3

31 -- mān=ma=kan d10 ḪUR.SAGMEŠ ÍDMEŠ altanni[š P]ÚḪI.A kwitki TUKU.TUKU-nu[er]

32 -- kinuna DINGIRMEŠ dA.NUN.[NA.KE4] d10 ANA ḪUR.SAGMEŠ ÍDMEŠ alt[a]nn[iaš ḪI.A] menaḫḫanda takšulāndu

33 -- nu=kan d10 EN-YA KUR-TAM anda takš[ulit IGIḪI].A-it namma au

34 -- [nu=kan] ŠÀ KUR-TI KI.MIN kišaru

§ 4

35 -- mān DINGIR-LIM KUR-TI=ma kwiški ḪUL-aḫḫanz(a)

36 -- nu d10-ni arku-[ ... ]

37 -- [ ... ] mNI[R.GÁL kwi]t? arkuwar ēššaḫḫi

38 -- NIŠ d10 EN-YA ištamašdu

39 -- KUR-e salli ēšta

40 -- n=at tep[awešta]

41 -- [ ... ]-at

42 -- dUTU-ŠI=ma DINGIRMEŠ kuwapi ANA KUR URUkummanni watarnaḫḫi

43 -- [ ... ]-iša

44 -- nu=kan [ ... ] ANA ŠA DINGIRMEŠ šaklāi parā UL ari

45 -- ēšzi=ma kwit UNMEŠ-tar

46 -- nu atti=mi ḫu[ḫḫi=mi ... ] ēšta

47 -- n=a[t=kan IŠTU GIŠ.ḪU]RḪI.A :gulzattanazz[i=y]a kwit dUTU-ŠI kinu[n] wemiškemi

48 -- n=at ēššaḫḫi

49 -- nu=kan Š[A DINGIRME]Š [kwit š]aklāyaš par[ā UL a]rnuan ḫarmi

50 -- d10=at EN-YA šakti

51 -- kwitt=aya šallin ŠU.GI punuškemi

52 -- nu=kan [1-an š]aklāin EGIR-and[a GIM-an š]ekkanzi

53 -- n=at memanzi

54 -- n=at ēššaḫḫi=pat

55 -- kinuna=z(a) kwitman KUR-TAM ašešanuškemi

56 -- nu=kan ANA DUMU..[U19.LU ... ]-za ḫašatti

57 -- A.ŠÀ A.GÀR=ma=kan10 GEŠTIN miyatar neyari

58 -- nu kwitman KUR-TAM annalli EGIR-pa tiyazi

59 -- DINGIRMEŠ KUR-TI-y[a ann]išan maḫḫan ēššer

60 -- nu=šmaš pēdan QATAMMA EGIR-pa appanzi

61 -- kwitman=ma KUR-e ašešanuškemi

62 -- kwitman=at kuršāi

63 -- Š[A DINGIRM]=ma išḫiūl EGIR-anda kwit wemiškemi

64 -- n=at ēššaḫḫi=pat

65 -- nu=ššan parā nāeškettari

66 -- nu d10 EN-YA ANA DINGIRMEŠ [m]emau

67 -- nu=kan DINGIRMEŠ KUR-TAM anda takšulit IGIḪI.A-it uwandu

68 -- nu=kan ŠÀ-BI KUR-TI āššu :tarāwian takšul aššul miy[atar]r=a iyandu

§ 5

69 -- mān=ma=kan d10=ma EN-YA ḪUR.SA[GME]Š-uš ÍDMEŠ-uš altannuš ḪI.A šayattiš KUR-eaš TUKU.TUKU-nuan ḫarkanzi

70 -- [ki]nuna DINGIRMEŠ dA.NUN.NA.KE4 d10-an ANA ḪUR.SAGMEŠ ÍDMEŠ altanniaš ḪI.A menaḫḫanda takšulāndu

71 -- nu=kan d10 EN-YA KUR-e anda takšuli[t IGI]I.A-it namma au

72 -- nu=kan ŠÀ KUR-TI āššu takšul miyatarr=a kišaru

§ 6

73 -- mān=ma ḪUR.SAG=ma kwiški našma šinapši šuppa AŠRU kwitki ḪUL-aḫḫan

74 -- nu ANA d10 arkuwaet

75 -- kinuna=at k[āša] EGIR-pa SIG5-aḫmi

76 -- URUDIDLI.ḪI.A ašanduš kwiēš

77 -- kwedaš ANA URUDIDLI.ḪI.A šinapši ēšzi

78 -- n=at weḫanzi

79 -- [ ... ]

80 -- nu EGIR-pa šuppiyaḫḫūwar maḫḫan

81 -- n=at QATAMMA EGIR-pa šuppiyaḫḫanzi

82 -- mānn=a maršanuwan kwitki

83 -- n=at šekkanzi maḫḫan

84 -- n=at QATAMMA EGIR-pa šuppiya[ḫḫanzi]

85 -- mān dannadduš=ma kwiēš URUDIDLI.ḪI.A

86 -- šinapši kwedaš ANA URUDIDLI.ḪI.A ēšzi

87 -- nu=šmaš=at [ ... ]

88 -- nu apūšš=a QATAMMA ēššuwan tianzi

89 -- mān 1-EN URU-LUM=ma kwiški našma 1-EN É-TUM kwišk[i ... ] ḪUL-aḫzi

90 -- n=at=kan DINGIR-LUM apēdani ANA 1-EN URU-LIM 1-EN É-TI anda šanḫi

91 -- nu apat [ ... ]

92 -- ANA KUR-TI=ma=at=kan anda šan(a)ḫti

93 -- nu=kan d10 EN-YA KUR-e anda āššawīt IGIḪI.A-i[t]

§ 7

94 -- mān GIŠGU.ZA d10 NA4ZI.KIN kwiški katta laknut

95 -- našma=kan šuppa kwiški šaḫta

96 -- n[u ... ]

97 -- n=at EGIR-pa SIG5-aḫmi

98 -- UL=ma kwit wemiyami

99 -- UL=at GIŠ.ḪURgulzattanaz wem[iyami]

100 -- [apā]t=mu šalliš ŠU.GI memai

101 -- nu=mu DINGIR-LIM kūn memian tešḫit parkunut

102 -- k[āša ... ] EGIR-pa SIG5-aḫḫeškemi

103 -- nu AWAT DINGIR-LIM ēššaḫḫi

104 -- nu=kan d10 EN-YA [ ... ]

105 -- [ ... ] takšul aššul tar[ā]wi[y] miyatarr=a [ ... ]

§ 8

106 -- [ ... ]-i ḫurtāi ēšḫanī išḫaḫruwi [ ... ]-za

107 -- kinuna kāša kēdani [ ... ]

108 -- [ ... U]RUḫatti [ ... ]

109 -- [ ... ]

§ 9'

110 -- [ ... ]=mu anda [ ... ]

111 -- [ ... ]-wen

112 -- nu [ ... ]

§ 10'

113 -- mān DUMUMEŠ kurimmuš=ma kwiēš peškanzi [ ... ]

114 -- nu ANA dLUGAL-ma arkuwaet

115 -- dLUGAL-maš=ma ANA d10 [ ... ]

116 -- n=at [EG]IR-pa SIG5-aḫḫanzi

117 -- katta pānta=ma kwe [ēšzi ... ]

118 -- nu apiya=ya EGIR-pa SIG5-aḫḫanzi

119 -- mān=at ŠA MÁŠDA [ ... ]

120 -- n=at=kan d10 EN-YA apēdani ANA É-TI anda šan(a)

121 -- KUR-e=ma=at=kan anda [ ... ]

§ 11'

122 -- mān=z(a) ḪUL-za=ma MUŠEN-az MUŠEN.-it <<našma>> ŠA GIDIM kwiški NINDA-an [ ... ]

123 -- kinun=ma kāša apūn MUŠEN yēr

124 -- n=an arḫa lāer

125 -- kē=ma [ ... ] apūn ŠA GIDIM NINDA-an parkunuer

§ 12'

126 -- mān ŠA KUR URUkummanni āššauwa AWATEMEŠ pešta

127 -- našma=at=kan an-[ ... ]

128 -- našma ANA DINGIR-LIM URUarūšna ḫalzaiš

129 -- kinun kāša apēdani memini ABI ŠA LU[GAL] šanḫ(a)

130 -- arawannašš=aya SISKUR ŠA DINGIR-LIM URUarūšna BAL-anzi

131 -- n=at [ ... ]

132 -- anzaš=ma=nnaš DUMU..U19.LU kwit

133 -- nu šekkweni kwe INIMMEŠ12

134 -- KAxU-az=na[š wet]

135 -- UL kwe šekkweni

136 -- KAxU=naš=kan kwe UL wet

137 -- n=at ma-[ ... ]

138 -- n=at DINGIRMEŠ dA.NUN.NA.KE4 GE6-i KI-pi šanḫandu

139 -- n=at kūn UDKAM-an [ ... ]

140 -- n=at lāttaru

141 -- nu=kan d10 EN-YA KUR URUkummanni ašawīt IGI[ḪI.A-it] auš-[ ... ]

142 -- d10=naš aššuli annaš UZUUBUR maḫḫan šunnaziante[š ... ]

143 -- išpiyanteš=ma=nnaš ANA ME KAṢI maḫḫan

144 -- nu d10 EN-YA a-[ ... ]

145 -- n=at DUMU.L[Ú].U19.LU išpiyanumar ēšdu

146 -- ANA d10=ma=at EN-YA wal[liyatar ... ]

147 -- nu=kan ŠÀ KUR-TI ANA d10 NINDA.GUR4.RA pankwēšzi

148 -- GEŠTIN išpantuzzi-[ ... ]

149 -- nu d10 EN-YA āššawēš UNMEŠ-uš [ ... ]

§ 13'

150 -- DUB-1KAM ŠA d10 arkuwar tiyauwaš

151 -- ANA dUTU-ŠI=at=kan [ ... p]a[r]ā aniyan

152 -- QATI

153 -- ŠU mlūrma AZU TUR GÁB.[ZU.ZU ... ] DUMU maki-d10-up


1

Nach Hoffner H.A – Melchert H.C. 2008a, 399f. gibt es im Junghethitischen einige Fälle von Konjunktionsdoppelung, also -a und -ya, meist Gemination verursachend wie hier.

2

Houwink ten Cate Ph.H.J. - Josephson F. 1967a, 105 und Lebrun R. 1980e, 295 ergänzen hier [memandu].

3

Zu -maš statt -šmaš vgl. Friedrich J. 1936d, 309 mit Anm. 1.

4

Houwink ten Cate Ph.H.J. - Josephson F. 1967a, 105 und Lebrun R. 1980e, 295 ergänzen hier [ḫalziḫḫun].

5

Zum luwischen Verb tarawi(ya)- 'hand over, deliver' (Melchert H.C. 1993b, 211) gehörig?

6

Houwink ten Cate Ph.H.J. - Josephson F. 1967a, 106 und Lebrun R. 1980e, 295 ergänzen hier noch [kišaru] nach Vs. 17.

10

Das CHD L-N, 237b fügt hier noch <GIŠKIRI6> ein.

12

Auffällige Wortstellung.


Editio ultima: Textus 05.01.2016