KUB 3.69 (CTH 164) [adapted by TLHdig]

KUB 3.69

Abbreviations (morphological glossing)

Vs. 1′ [ táq]-bi-i

Vs. 2′ [ t]àš-pu-ra

Vs. 3′ [ m]⸢pí⸣-ka₄-aš-ta

Vs. 4′ [DUMU˽KIN-i]a a-na a-la-⸢ki a-na DUMU˽KIN-ut⸣-ta a-na ŠEŠ-ia

Vs. 5′ [ a-na]-ku al-tap-ra-aš-šu i-na pí-šu i-na ši-ip-ri-ia

Vs. 6′ [ ] DUMUMEŠ ša ŠEŠ-ia ù šu-ú li-iq-ba-aš-šu-nu-ti

Vs. 7′ [š]i-ip-ra-ti-ia ù li-iq-ba-šu-nu-ti a-ma-teMEŠ-ia

Vs. 8′ a-na pa-ni LUGAL ù li-id-〈din〉-šu-nu-ti a-na ša-mé-šu-nu

Vs. 9′ DUMUMEŠ ša ŠEŠ-ia at-ti kán-na táq-bi-i

Vs. 10′ a-nu-ma at-ta-din mpí-ka₄-aš-ta a-na ka₄-bé-e gab-bi ⸢gab-bi⸣

Vs. 11′ a-ma-teMEŠ ša at-ti táq-bi-i a-na ša-a-šu

Vs. 12′ i-na pí-šu a-na pa-ni LUGAL it-ta-din a-na ša-mé-e-š[u-nu]

Vs. 13′ DUMUMEŠ-ia gab-bi-šu-nu ki-i ša NIN-ti táq-bi-i

Vs. 14′ a-mur a-ma-teMEŠ an-na-ti ša mpí-ka₄-aš-ta

Vs. 15′ [i]q-bu-ú a-na-ku mi-na-a ḫé-e-ṭá ša e-pu-[uš]

Ende Vs.

Rs. 1 [ UG]U-ḫi ŠEŠ-ia ù a-na-ku mi-na-a ḫé-[e-ṭá]

Rs. 2 [ e]-pu-uš a-na UGU-ḫi-ki kán-na-ma ù DUMU˽K[IN!MEŠ-ki]

Rs. 3 [iq-t]a!-bu-ú-ni a-na ia-ši um-ma-a te-te-pu-u[š]

Rs. 4 ša-al-ma-ku ŠEŠ-ḫa-ku it-ti LUGAL KUR ḫa-at-t[i]

Rs. 5 ŠEŠ-ia i-na ṭe₄-mi-ia gi-na-a gi-na-a a-na-[ku]

Rs. 6 ul e-pu-uš ṭe₄-mi-ia i-na ša-ni-i ṭe₄-[mi]

Rs. 7 it-ti-šu ù ša at-ti tàš-pu-ra a-na ia-[ši]

Rs. 8 um-ma-a ŠEŠ-ia li-id-din a-na a-la-ki a-na ia-ši

Rs. 9 DUMU˽KIN-ri an-na-a at-tu-ia ar-ḫi-iš

Rs. 10 a-mur a-du-ku aṣ-ṣa-r[a-aḫ-š]u ⸢a⸣-[na ] a-na NIN-ia

Rs. 11 ar-ḫi-iš qà-du [ ul]-te-bíl

Rs. 12 šu-bé-el-ta a-na š[ul-ma-an ] at-ti lu-ú ti₄-de₄-e

Rs. 13 1 GAL ša še₂₀-te-e š[a ] SIG₅ [ ] ša še₂₀-te-e

Rs. 14 [š]a 〈KÙ〉.SI₂₂ SIG₅ 1 ú-nu-tù ša še₂₀-te-e ša 〈KÙ〉.SI₂₂ SIG₅

Rs. 15 [ GA]L-tu₄ ša še₂₀-te-e ša KÙ.SI₂₂ SIG₅ KÙ.BABBAR GAR.RA

Rs. 16 [ ]x x[ ]x-tu₄ GU₄.MAḪ

Rs. bricht ab