index introductio imagines || partitura exemplar translatio

bibliographia e-mail

CTH 400.1

Exemplar --

Citatio: S. Melzer – S. Görke (ed.), hethiter.net/: CTH 400.1 (Expl. --, 20.04.2017)

§1

1 -- UMMA Iriya LÚḪAL

2 -- mān URU-an išḫanaš linkiyaš pangauwaš lalaš aniyami

3 -- nu aniyattan ḫandānzi

4 -- n=an katta tianzi

5 -- GIŠAL ZABAR GIŠMAR ZABAR GIŠšattan ZABAR Ì LÀL NINDA.SIGMEŠ

§2

6 -- nu kuwapi wappuwa[š IM LÚ.]MEŠBÁḪAR imma daškanzi

7 -- nu apadda paiši

8 -- nu wa[pp]ui kišan mematti

9 -- wappu=mit

10 -- n=an=za kuwat uwanun

11 -- kuit dariyaḫḫun

12 -- nu uwandu

13 -- [k]arūiliēš [DINGI]RMEŠ kuiē[š e]šḫar NĪŠ DINGIR-L[I]M? [p]angau[waš EM]E? parkunu[škanzi]

§3

14 -- [ … ]... [...]

15 -- [ … ]... [...]

§4'

16 -- [ … ]... [...]

17 -- tekkuš [...]

18 -- nu IM-an x[...]

19 -- n=an a-...[...]

20 -- n=an a-[...]

§5'

21 -- nu=uš [...]

22 -- nu=u[š ...]

§6''

23 -- apatta pai[t? ]

24 -- [ ...]

25 -- [ … ] lē namma [ … ] … [ … ]

§7''

26 -- [nu?] KASKAL-ši IŠTU GIŠAL purut kišpaizzi

27 -- [ ... k]uitta? dāi

28 -- na-[... -k]an anda GIŠkullupiya dāi

29 -- [ … -š]a dāi

30 -- pūruttašš=a EGIR-an [ … ]

31 -- [ … ] … IŠTU Ì=ya LÀL iškiazzi

32 -- [... i]španduw[a]z šipanti

33 -- [ … ] … -zi

34 -- kī pūrut [...]

35 -- [n]=at šumeš ANA KASKAL.KURḪI.A [...]

36 -- [ …] … kišari

37 -- šumešš=a uwatten

§8''

38 -- [ ... D]INGIRMEŠ-naš katta

39 -- n=at šumeš [...]

40 -- [ … ] … -az ḫannieššar ēšḫanaš [ … linkiyaš pang]auwaš EME-aš

41 -- nu pūrut [ … ] … DINGIRMEŠ-naš peran katt[a(n) dāi]12

§9''

42 -- [ … ] … [ … ]

§10'''

43 -- [ … ]... [...]

44 -- [... p]ēdai

45 -- … [...]

46 -- [... I]ŠTU GIŠAL GIŠM[AR? …] … [ … ]

47 -- GIŠalkištanann=a arḫa duwarnai?

48 -- nu GIŠ-ru pūrutt=a pēdai

48a -- n=at pēdai

49 -- nu apātt=a karūiliaš DINGIRMEŠ-aš peran katta tianzi

§11'''

50 -- nu LÚḪAL tezzi

51 -- karūiliyaš DINGIRMEŠ-aš kāša ḪUR.SAGMEŠ-ušš=a uwatenun

52 -- nu=šma(š)=šan apē ḫarpandari

53 -- nu kī ḫanneššar apiya ḫan[natten]

§12'''

54 -- nu=za namma NINDA.GUR4.RA GEŠTIN išpanduz[i] dāi

55 -- n=aš wetena paizzi

56 -- nu PÚ-i kišan tezzi

57 -- arunaš ṢŪṢÛ-aš PÚḪI.A GAL.GAL PÚḪI.A TUR.T[UR] kuwat uwanun

58 -- kuit dariyanu[n]

59 -- DUMUMEŠ LÚ.U19.LU-TI GU4-un mān ḫal[iyaš] ḫappui EGIR-an peššit

60 -- nu=šma[š] NINDA.GUR4.RAḪI.A G[EŠTI]N išpanduzi ud[aḫḫun]

61 -- nu=mu=ššan šumešš=a ḫara[pten]

62 -- weten[a]nte[š kišan daranzi]

63 -- lē=tta nā[ḫi]

64 -- [uiēš=ta ḫarappūeni]

65 -- BIL.ZA.ZA=at išši[t dāi]

66 -- [n=at] katta pašzi

67 -- ḫar[ziyallašš=at] šappuit [dāi]

§13'''

68 -- n=at=kan BIL.ZA.ZA [ḫallūwaš ḫari]yaš [ANA I7 p]ēdai

69 -- [I7=at aruni pēdai]

§14''''

70 -- [ … ]zik? [...]

71 -- [ … ] ... UZU ēzzaz[i?]

72 -- [ … ]x=KA GÌR=KA išḫaḫ[-?? ...] ēšta

73 -- anda URU-ri uwaš

§15''''

74 -- n=aš=za naššu Éḫalinduwaš šuḫḫi ēštat

75 -- našma=z=šan INA É.DINGIRMEŠ šuḫḫi ēštat

76 -- kinun=a Éḫalinduwaš É.DINGIRMEŠ=ya parkunut

77 -- nu ki inan ēšḫar NĪŠ DINGIR-LIM kuwapi paizzi

78 -- zik šūrašūwašMUŠEN apadda ītten

79 -- nu ēšḫananza linkiyaz Éḫalinduwa É.DINGIRMEŠ lē ēpzi

§16''''

80 -- nu kartimmiyaz lē kuitki

81 -- nu šāwar lē kuitki

82 -- nu=uš=kan É-ri anda waḫnuši [MUŠ]ENḪI.A MÁŠ.GAL-ann=a

83 -- nu=uš=kan 4 ḫalḫaldumari walaḫz[i]

84 -- nu=uš=kan parā ūnnatti

85 -- nu ḫāran kallikallinn=a arḫa tarnatta

86 -- [nu] wātar EGIR-pa GIŠŠEN laḫḫutti

§17''''

87 -- nu kī=ma EGIR-an artaḫḫiyaz laḫḫutti

88 -- nu tezzi

89 -- kī wātar GIM-an arḫa ḫarakzi

90 -- kī inan ēšḫar NĪŠ DINGIR-LIM pangauwaš EME-aš ḫūrkil arḫa QĀTAMMA ḫarakdu

91 -- [nu]=kan MÁŠ.GAL-an šūrašūrann=a URU-ri ištarna arḫa pēdai

92 -- n=a[št]a antuḫšuš kuēzza KÁ.GALḪI.A=za katta kunanna pēḫudanzi

93 -- apušš=a=kan apēz katta pedatti

94 -- nu antuḫšeš apiya kuedani pedi akir

95 -- nu=uš apēdani pedi pēdatti

§18''''

96 -- nu MÁŠ.GAL-an warnuwanzi

97 -- šūrašūrann=a ḫariyanzi

98 -- nu tezzi

99 -- kī=ašta maḫḫan MÁŠ.GAL šūrašūrašš=a kattan taknaza pāir

100 -- kī=kan ŠA URUḪatti inan ēšḫar NĪŠ DINGIR-LIM pangauwaš EME-aš QĀTAMMA GAM-anda taknaza paidd[u]

§19''''

101 -- naššu LÚlulaḫiš našma LÚSA.GAZ kuiški ēšta

102 -- nu=ššan šarā nep[išaš DI]N[GIRME]Š-naš iyauwa ḫalzāiš

103 -- n=at nep[išaš] [DINGIR]MEŠ taknaš DINGIRMEŠ piandu

104 -- n=at=kan k[attanda da]nkuwai taknī pēdadu

105 -- [n=a]t arḫa ḫarakdu

§20''''

106 -- [nu kar]ūiliuš DINGIRMEŠ-muš š[arā ...]

107 -- n=ašta MUŠENḪI.A anda waḫnuzi

108 -- [nu=uš] araḫza pēdai

109 -- ḫa[ran kall]ikallinn=a arḫa [tarnanzi]

Kolophon

110 -- DUB 1.KAM

111 -- UMMA [I]Iriya LÚḪAL

112 -- m[ān URU-an] ēšḫanaš linkiyaš pangau[wa]š lalaš aniyam[i]