index introductio imagines partitura exemplar translatio

bibliographia e-mail

CTH 51.I

Exemplar --

§1

1 -- enūma itti DUTU-ši Šuppiluliuma LUGAL GAL UR.SAG LUGAL KUR URUḪatti narām DU mArt[atam]a LUGAL KUR Ḫurri ina beri-šunu riksa irkusū

2 -- undu mTušratta LUGAL KUR URUMittanni itti LUGAL GAL LUGAL KUR URUḪatti UR.SAG una''id !

3 -- LUGAL GAL UR.SAG LUGAL KUR URUḪatti itti mTušratta LUGAL KUR URUMittanni uttaʾʾid!

4 -- u KUR.KURMEŠ ša eberti annīti aḫtabat-ma

5 -- u ḪUR.SAGNiblani ana miṣrī-ya uttēr

6 -- šanûttī-šu mTušratta LUGAL ana pāni-ja ultarraḫ

7 -- u akanna iqtabi

8 -- ammīni ana eberti ÍDUD.KIB.NUN.NA ullīti taḫabbat

9 -- ša kī mTušratta LUGAL umma

10 -- KUR.KURMEŠ ša eberti ÍDUD.KIB.NUN.NA ullīti atta taḫabbat

11 -- u anāku aḫabbat-ma KUR.KURMEŠ ša ebirti ÍDUD.KIB.NUN.NA ullīti

12 -- mTušratta LUGAL ana gummurī-šu ḫašeḫ

13 -- šumma taḫabbas-sunūši-mi

14 -- anāku mīna eppus-sunu-mi

15 -- umma eberti ÍDUD.KIB.NUN.NA annīti ebbaram-ma

16 -- šumma SILA4 u šumma MÁŠ.TUR ša KUR-ya išī-mi

17 -- LUGAL GAL LUGAL KUR URUḪatti ana pāni-šu ultarraḫ

18 -- ana tarṣi abī-šu ša LUGAL KUR URUḪatti KUR URUIšuwa ittakir

19 -- ÉRINMEŠ ša KUR URUḪatti ina KUR URUIšuwa īterbū

20 -- ÉRINMEŠ URUKurtališša ÉRINMEŠ URUArawanna KUR URUZazša KUR URUKalašma KUR URUTimna ḪUR.SAGḪaliwa ḪUR.SAGKarna ÉRINMEŠ URUTurmitta KUR URUAlḫa KUR URUḪurma ḪUR.SAGḪarana mišlu ša KUR URUTegarama ÉRINMEŠ URUTepurziya ÉRINMEŠ URUḪazga u ÉRINMEŠ KUR URUArmatana tarṣi abī-ia ittakrū

21 -- u DUTU-ši mŠuppiluliuma LUGAL GAL UR.SAG LUGAL KUR URUḪatti narām DU iddūk-šunūti

22 -- anīna ÉRINMEŠ ša ina ŠU-ya išḫiṭu

23 -- ÉRINMEŠ annû ina KUR URUIšuwa īterub

24 -- u mīnummê ÉRINMEŠ.ḪI.A annûtu u KUR.KURMEŠ annûtu ina tarṣi abī-ya ittakrū

25 -- u eberti KUR URUIšuwa ina ŠÀ-bi LÚKÚR ašbū

§2

26 -- u DUTU-ši mŠuppiluliuma LUGAL GAL LUGAL KUR URUḪatti UR.SAG narām DU attalak

27 -- ana multarriḫut[tī-š]u ša mTušratta LUGAL ÍDUD.KIB.NUN.NA ētebir-ma

28 -- ana KUR URUIšuwa attalakana

29 -- u KUR URUIšuwa ina š[anût]tī-šu elte'ē-šunūti

30 -- ina šanûttī-ya ana ARADMEŠ-ya uttēr-šunūti

31 -- ÉRINMEŠ u KUR.KURMEŠ ša tarṣi abī-ya ina ŠÀ-bi KUR URUIšuwa īterbū

32 -- ÉRINMEŠ URUGurtališša ÉRINMEŠ URUArawanna KUR URUZazziša KUR URUKalama! KUR URUTimmina ḪUR.SAGḪaliwa ḪUR.SAGKarna ÉRINMEŠ URUDurmitta KUR URUAlḫa KUR URUḪurma Ḫ[UR.S]AGḪarana ½ ša KUR URUTegarama ÉRINMEŠ ⌈URU⌉Te-pu-ur-⌈zi⌉-ya ÉRINMEŠ URUḪa-az-ga ÉRINMEŠ URUArmatana

33 -- ÉRINMEŠ annûtu u KUR.KURMEŠ ullâtu alteʾē-šunūti

34 -- ana KUR URUḪatti uttēr-šunūti

35 -- KUR.KURMEŠ ša alqû

36 -- umteššer-šunūti(-ma)

37 -- ana ašrī-šunu-ma ittašbū

38 -- u mīnummê ÉRINMEŠ ša umešširu

39 -- ana ÉRINMEŠ-šunu(-ma) īterbū

40 -- u KUR URUḪatti ašrī-šunu-ma iṣṣabat

§3

41 -- u DUTU-ši mŠuppiluliuma (LUGAL GAL) LUGAL KUR URUḪatti UR.SAG narām DU/IŠKUR u KUR URUAlše aktašad

42 -- u ḫalzi URUKutmar elteʾē-šunūti

43 -- ana mAntaratli ša KUR URUAlše ana NÍG.BA-šu attadin

44 -- ana ḫalzi URUŠūta ēterub

45 -- ḫalzi URUŠūta aḫtabat

46 -- ana ḫabātīya (ina) URUWaššukkan(n)i aktašad

47 -- ša ḫalzi URUŠūta qadu GUDMEŠ UDUMEŠ ANŠE.KUR.RAMEŠ qadu namkūrī-šu3 u NAM.RAMEŠ/šallās-sunu ana KUR URUḪatti ultērib-šunūti

48 -- u mTuš(e)ratta LU[GAL ittal]ak

49 -- ana pānī-ya ana mitḫuṣṣi(-ya) ul illika

§4

50 -- attūra-ma

51 -- ÍDUD.KIB.NUN.NAKI4 ēteber

52 -- KUR URUḪalpa u KUR URUMukišḫe elte'ē-šunūti

53 -- (u) mTakuwa LUGAL Niya <ana> sulummê ana KUR URUMukišḫe ana pānī-ya ittalka

54 -- EGIR mTakuwa mAkit-DU-up/DIŠKUR ŠEŠ-šu KUR URUNiya u (URU) Niya ittakir-šunūti

55 -- u mAkit-teššup LÚ.MEŠmariyannū annû ana iltēn uttēr-šunūti

56 -- mḪišmiya mAsiri mZulkiya mḪabaḫi mUtriya u mNiruwa(bi)

57 -- qadu narkabāti-šunu u ( Var. ana) ṣābī-šunu itti mAkiya šar URUAraḫti ana iltēn utterrū

58 -- URUAraḫti iṣṣabtū-ma

59 -- ittakrū

60 -- umma šunu-ma itti LUGAL GAL LUGAL/ša KUR URUḪatti nim(taḫ)ḫaṣ-mi

61 -- LUGAL GAL LUGAL/ša KUR URUḪatti URUAraḫat[i elte]mi-šu6

62 -- u URUAraḫatan elte'ē-šu(nu)-ma

63 -- mAkia LUGAL URUAraḫati mAkit- DU-up/ DIŠKUR ŠEŠ-šu ša mTakuwa u LÚ.MEŠmariyannī-šunu / LÚ.MEŠmariyannū gabbi-šunu-ma qadu mimmû-šunu ultešlil-šu/elteqē-šunu

64 -- ana KUR URUḪatti ultērib-šunūti

64 -- URUQatna qadu namkūrī-šu8 u qadu mimmû-šu(nu) ana KUR URUḪatti ultērib-šunūti

§5

66 -- ana KUR URUNuḫašše kī alliku

67 -- KUR(.KUR)MEŠ gabba-ša e/alteqe

68 -- mŠarrupše aḫīti(š)-šu iltaḫiṭ

69 -- AMA-šu ŠEŠMEŠ-šu DUMUMEŠ-šu e/alteqe

70 -- ana KUR URUḪatti ultērib

71 -- mTakip- LUGAL ARAD-su ša mŠarrupši/-ŠEŠ ana URUUgulzat ana LUGAL-ut-ti altakan-šu

72 -- u attalak ana KUR URUAbina

73 -- u KUR URUKinza ana dâki ul uba''a

74 -- mŠutatarra qadu mAitakkama DUMU-šu u qadu GIŠ⌈GIGIRMEŠ-šu⌉ ana mitḫuṣi ana pānī-ya ittalkū

75 -- ukaššis-su-ma

76 -- ana URUApzuya īterbū

77 -- u URUApzuya ultelmī-šu

78 -- mŠutatarra qadu DUMUMEŠ-šu LÚ.MEŠmariyannī-šu ŠEŠMEŠ-šu u qadu [mimmû-šu elte]qē-šunu/šunūti

79 -- ana KUR URUḪatti ultērib-šunūti9

80 -- ana KUR URUAbina attalak10

81 -- u mAriwana LUGAL KUR URUAbina mWambadura mAkbaru u mArtaya LÚ.MEŠGAL-šu ana mitḫuṣi11 ana UGU-ḫi-ya ittalkū

82 -- annûtu gabbi-šunu-ma (u) qadu KUR-ti-šunu u qadu mimmê-šunu ana KUR URUḪatti ultērib-šunūti

83 -- aššum multarriḫuttī-šu ša mTuš(e)ratta LUGAL a[n]a I-en MU-ti KUR.KURMEŠ annûtu gabbī-šunu-ma aḫtabas-sunūti

84 -- ana KUR URUḪatti ultērib-šunūti

85 -- ultu (annî) ḪUR.SAGNiblāni ultu ullî ÍDUD.KIB.NUN.NA ana miṣrī-ya uttēr-šunūti

§6

86 -- enūma DUMU-šu itti ARADMEŠ-šu ussemmiḫ-ma

87 -- abū-šu Tušratta LUGAL iddūk

88 -- u kīmê mTušratta LUGAL imtūt

89 -- DU/[DIŠKUR] dīn-šu ša mArtatama (LUGAL) iprus

90 -- u DUMU-šu mArtatama mīta ubtallis-su14

91 -- u KUR URUMittanni gabbu ḫalqat

92 -- KUR URUAššurayyu u KUR URUAlš(e)ayyu ana (a)ḫamiš iz(z)uzzū

93 -- u LUGAL (GAL) UR.SAG LUGAL KUR URUḪatti adi inanna ana eberti ul ēbir (īber)

94 -- ḫāma u ḫuṣṣāpa ša KUR (URU)Mittanni15 ul ilqe / elqe

95 -- enūma LUGAL GAL LUGAL/ša KUR URUḪatti muškēnūs-su ša KUR Mittanni kī išmû

96 -- LUGAL KUR URUḪatti DUMUMEŠ É.GAL-li GUDMEŠ UDUMEŠ u ANŠE.KUR.RAMEŠ ultēbil-šunūti

97 -- u DUMUMEŠ Ḫurri ina berī-šunu ittadlaḫū (iddalḫū)

98 -- mŠuttatarra itti LÚ.MEŠmariyannī mŠattiwaza DUMU LUGAL ana dâkī-šu ubte''û

99 -- iltaḫiṭ-ma

100 -- ana UGU-ḫi DUTU-ši mŠuppiluliuma LUGAL KUR URUḪatti UR.SAG narām dU/[DIŠKUR] ittalka

101 -- LUGAL GAL akanna iqtabi

102 -- umma dīn-šu DU / DIŠKUR iddīn-šu

103 -- kīmê mŠattiwazza DUMU mTušratta LUGAL ana ŠU-ya aṣṣabat

104 -- ina GIŠGU.ZA ša abī-šu ušēšib-šu

105 -- kīmê KUR URUMittanni KUR GAL(-tu) lā iḫalliq

106 -- u LUGAL GAL LUGAL KUR URUḪatti KUR URUMittanni aššum DUMU.MUNUS-šu ubtallis-su19

107 -- mŠattiwazza DUMU mTušeratta20 ina ŠU-ya aṣṣabat-ma

108 -- DUMU.MUNUS ana DAM-uttī-šu attadin-šu

§7

109 -- u mŠattiwazza DUMU LUGAL ina KUR URUMittanni lū LUGAL šū

110 -- u DUMU.MUNUS ša LUGAL KUR URUḪatti ana KUR URUMittanni lū MUNUS.LUGAL šī

111 -- akkâša mŠattiwazza MUNUS.MEŠesrētu lū muššurat

112 -- u MUNUS-tu šanītu eli DUMU.MUNUS-ya rabītu yānu

113 -- MUNUS šanītu ana meḫruttī-ša lā tumaššar

114 -- u pittī-ša mamma ul uš[šab]

115 -- u DUMU.MUNUS-tī ašar šanīti lā tašaddas-si

116 -- ina ŠÀ KUR URUMittanni MUNUS.LUGAL-utta līp[uš]

117 -- DUMUMEŠ mŠattiwazza u DUMUMEŠ DUMU.MUNUS<-ya> DUMUMEŠ-šunu u DUMUMEŠ DUMUMEŠ-šunu ina EGIR UD-mī ina ŠÀ KUR URUMit[t]ann[i dāriš?? lū m]eḫrū

118 -- ina EGIR UD-mī DUMUMEŠ KUR URUMittanni ana mŠattiwazza DUMU LUGAL ana DUMU.MUNUS-ya MUNUS.LUGAL [ana DUMUMEŠ]-šu u ana DUMU.DUMUMEŠ-šu bārta lū lā ubaʾʾa

119 -- u mŠattiwazza DUMU LUGAL ina EGI[R UD-mī ana DUMUMEŠ-ya] lū ŠEŠ-šu u lū meḫer-šu

120 -- u DUMUMEŠ mŠattiwazza DUMU LUGAL DUMUMEŠ-ya DUMU.DUMUMEŠ-ya u D[UMU mŠattiwazza] ana DUMU.DUMUMEŠ-ya lū ŠEŠ-šu u lū meḫer-šu24

§8

121 -- DUMUMEŠ URUḪatti u DUMUMEŠ KUR URUMittanni ina EGIR UD-mī ina īnī lemut[ti lū lā inaṭṭalū]

122 -- DUMUMEŠ KUR URUḪatti itti DUMUMEŠ KUR URUMittanni lemutta lā epp[ušū]

123 -- [u DUMUMEŠ KUR URUMittanni] itti DUMUMEŠ KUR URUḪatti lemutta lā eppušū

124 -- mīnummê LÚKÚR š[a KUR URUḪatti ibašši (?)]

125 -- kīmê LUGAL KUR URUḪatti imtaḫḫaṣ

126 -- u LUGA[L KU]R [UR]UMittanni [akanna/qātamma imtaḫḫaṣ]

127 -- kīmê LÚKÚR ša KUR URUMittanni

128 -- u LÚKÚR [ša KUR UR]U[Ḫatti]

129 -- [kīmê salmu] ša LUGAL KUR URUḪatti

130 -- salmu ša LUGAL KUR URUM[ittanni]

§9

131 -- [a]tta mŠattiwazza DUMU LUGAL LUGAL GAL LUGAL KUR URUḪatt[i] ⌈lā?⌉ ...[ ... ]

132 -- [riks]u ša LUGAL GAL arkusu

133 -- u [ ... ]

134 -- [ ... ] KUR URUMittanni [ ... ]

135 -- [ ... ]xMEŠ in[a ... ]

136 -- [ ... ] ... [ ... ]

§10'

137 -- x[ ... ]

138 -- u[ ... ]

§11'

139 -- šumma KU[R ... ]

140 -- [ … ] ašbu/ū

141 -- KUR URU[ ... ]

142 -- [ … ] lā ḫašḫu

143 -- ù ana LÚKÚR annûm-ma ..[ ... ]

144 -- [ … ] ināḫ-ma

145 -- LÚKÚR ša UGU-kunu ittak[ru]

146 -- [ … ]

147 -- ina ŠÀ-bi mamīti lā nišakkan

148 -- u[l ... ]

149 -- ša KUR URUḪatti itebbû-nik

150 -- ana rēṣ[ūti ... ]

§12'

151 -- šumma LÚmunnabittu ištu KUR URUḪatti i[nnabit]

152 -- [DUMUMEŠ KUR URUMittanni iṣabbatū-šu]27

153 -- [ana LUGAL KUR URUḪatti ] utarrū

154 -- šumma LÚmunnabittu ša KUR URUM[ittani innabit-ma

155 -- [ana KUR URUḪatti illak]28

156 -- LUGAL KUR URUḪatti ul iṣabbat-su

157 -- ul utār-šu

158 -- ul parṣu ša DUTU URUAr[inna]

159 -- É-tu ša mŠattiwazza DUMU LUGAL i-na KUR URUḪatti ippuš

160 -- LÚmunnabta [ ... ]

161 -- ana URU-li mŠattiwazza DUMU LUGAL ušeššab-šu

162 -- ana KUR URUḪatti-ma [ ... ]

§13'

163 -- LUGAL GAL LUGAL KUR URUḪatti KUR.KURMEŠ ša KUR URUMittanni elteqē-šunūti

164 -- ana tarṣi m[Šattiwazza] DUMU LUGAL ul elteqē-šunūti

165 -- ana tarṣi mTušratta elteqē-šunūti

166 -- u ÍDUD.KIB.[NUN.NA ina pānī-ya ana miṣrī-ya aškun]29

167 -- ana kutallī-ya ḪUR.SAGNiblani ana miṣrī-ya aškun

168 -- u mīnummê URUDIDLI.ḪI.A ša [eberti annīti ša ÍDUD.KIB.NUN.NA GAR-nu]

169 -- URUMurmurik URUŠipri URUMazuwati URUŠurun u URUDIDLI.ḪI.A annûti ḫalṣi ša [ ... ana mPiyaššili] DUMU-ya attadin

170 -- mīnummê URUDIDLI.ḪI.A ša KUR URUAštata eberti ša KUR URUMittanni GAR-nu

171 -- [U]RUIkalt[i ... ] URUAḫuna u URUTerqa URUDIDLI.ḪI.A annûti ša KUR URUAštata

172 -- undu mPiyaššili DUMU LUGAL itti mŠ[attiwazza DUMU LUGAL] ÍDUD.KIB.NUN.NA ētebrū

173 -- ina URUIrrite ēterbū

174 -- mīnummê URUDIDLI.ḪI.A ša ebertān ša mPiyaš[šili] ukallu

175 -- ša mPiyaššili(-ma) šunu

§14'

176 -- u anāku LUGAL.GAL LUGAL KUR URUḪatti u KUR URUMittanni mīta uballas-su

177 -- ana maškanī-šu utār

178 -- u lā tasaḫḫarā-ma

179 -- lā tašallaṭā

180 -- ištu riksī-kunu lā tettiqā-ma

181 -- miṣrī-kunu lā tubaʾʾā

182 -- mPiyaššili DUMU LUGAL u mŠattiwazza DUMU LUGAL-ma miṣṣir-šunu ana aḫamiš mu-[ ... ]

183 -- [šumm]a URU-šu ša mPiyaššili DUMU LUGAL puzri ana mŠattiwazza išappar

184 -- u mŠattiwazza pirilta-šu ušeṣṣī-ma

185 -- [DUMU.KIN]-šu iṣṣabbat-ma

186 -- ana mPiyaššili ŠEŠ-šu ušebbal

187 -- u mŠattiw[a]zza kī ḫipûti ana URU-šu ša mPi[y]aššili ul išappar

188 -- mPiyaššili u mŠattiwazza ana a ŠEŠ-utt[i] ana aḫamiš raksū

§15'

189 -- mPiyaššili u mŠattiwazza ana33 URUIrrite [u] ana URUTaita ana pî išassi

190 -- mŠattiwazza ana UGU-ḫi mPiyaššili ŠEŠ-šu zapurta mimma lā ubaʾʾa

191 -- u amīla šanâm-ma ana muḫḫi mPiyaššili zapurta ul uštaḫḫaz

192 -- u URUDIDLI.ḪI.A ša mŠattiwazza <a-na> mPiyaššili [itt]addiš-šu

193 -- zapurta mimma lā ubaʾʾa

194 -- u mannummê amata mimma zapurta u lemutta ana UGU-[ḫi mPiy]aššili lā ubaʾʾa

195 -- šumma mŠattiwazza mPiyaššili ŠEŠ-šu ana URUKar-ga-miš ana pî išassi

196 -- mP[i]ya[ššil]i amata zapurta u lemutta ana UGU-ḫi mŠattiwazza mimma lā ubaʾʾa

197 -- u mīnummê URUDIDLI.ḪI.A [ša m]Šattiwazza ša ina aḫ ÍDUD.KIB.NUN.NA GAR-nū

198 -- annûti-ma likellû

199 -- u URU-la!34 šanâ ina aḫ [ÍDU]D.KIB.NUN.NA lā iṣṣabbat

§16'

200 -- meḫer ṭuppi annīti ana pāni DUTU URUAri[nn]a GAR-in

201 -- kīmê DUTU URUArinna LUGAL-utta u MUNUS.LUGAL-utta umaʾʾar

202 -- u ina KUR (URU)Mittanni ana pāni DU/IŠKUR EN kur(r)inni ša URUKaḫat GAR-in

203 -- emmūti emmūti-ma ana pani LUGAL KUR URUMittanni u37 ana38 pani DUMUMEŠ KUR URUḪurri liltassû39

204 -- (u) [m]annummê ana [p]āni DU EN kurinni URUKaḫat ṭuppa annīta unakkar-ma

205 -- ašar puzri išakkan

206 -- šumma iḫeppi

207 -- šumma amateMEŠ ša KA ṭuppí ušašna

208 -- ina libbi riksi annî DINGIRMEŠ ša puzri u DINGIRMEŠ ša EN mamīti niltassi

209 -- lizzizzū

210 -- liltemû

211 -- u lū šībūtu

212 -- DUTU URUArinna ša ina KUR URUḪatti LUGAL-utta u MUNUS.LUGAL/NIN-utta umaʾʾar

213 -- DUTU EN šamê/AN-e

214 -- DU41 EN (URU)Ḫatti DŠēri DḪūrra ḪUR.SAGNanni ḪUR.SAGḪazzi DU EN KI.LAM DU EN KARAŠ DU EN reṣṣūti DU URUPitteyarik DU URUNerik DU tillāni DU URUḪalap DU URULiḫzina DU URUŠamuḫa42 DU URUḪurma DU URUŠarišša DU URUŠapinuwa DU URUḪiššašḫapa DU URUTaḫaya DU URUŠaḫpina DU URUKizzuwatna DU URUUda

215 -- DLAMMA URUḪatti DLAMMA URUKaraḫna DZitḫariyaš DKarziš DḪapant[ali]yaš DLAMMA LÍL/EDIN DLAMMA kuršaš

216 -- DLelwaniš44 DÉ.A(-aš) (u) DDAM.KI.NA DTelipinu ša URUTawiniya DTel[ipinu ša] URUDurmitta DTelipinu ša URUḪanḫana DIštar multarriḫu DAškašipa DNISABA

217 -- D30 EN mamīti DIšḫ[ara] MUNUS.LUGAL mamīti

218 -- DḪebat NIN šamê DḪebat URUḪalpa DḪebat URUUda DḪebat URUKizzuwatni

219 -- DZababa DZab[ab]a URUḪatti DZababa URUIllaya DZababa URUArziya DIyarriš DZappanaš DḪaš(am)miliš

220 -- DḪantedaššuš ša URUḪurma DAbara ša URUŠamuḫa DKataḫḫa ša URUA[nkuwa] MUNUS.LUGAL URUKata[pa] DAmmamma ša ␣␣URUTaḫurpa46 DḪallara ša URUDunna DGAZ.BA.A.E ša URUḪupišna DBēlat URULand[a DKun]iyawanniš ša URULanda

221 -- DINGIRMEŠ lulaḫī49 DINGIRMEŠ SA.GAZ

222 -- DINGIRMEŠ LÚMEŠ DINGIRMEŠ MUNUSMEŠ gabba-šunu ša KUR URUḪatti

223 -- DINGIRMEŠ LÚMEŠ DINGIRMEŠ MUNUSMEŠ ša KUR URUKizzuwatni

224 -- DINGIRMEŠ erṣeti51 DNara DNamšara DMinki DAmmukki DTuḫuši DAmmizzadu DAlalu DAnu DAntum DEN.LÍL DNIN.LÍL52 DNIN.É.GAL

225 -- ḪUR.SAGMEŠ ÍDMEŠ A.AB.BA ÍDUD.KIB.NUN.NA šamû u erṣeti IMMEŠ urpātu

§17'

226 -- DU EN šamê/AN u erṣeti/KI D30 u DUTU D30 URUḪarrāna/ KASKAL-na AN u KI-ti DU EN kurinni URUKaḫat DSumqan ša URUKurda DU EN URUUḫušuman

227 -- DÉ-a-LUGAL EN ḫasīsi53 dAnu DAntu DEN.LÍL (u) DNIN.LÍL

228 -- DINGIR.MEŠMitraššil DINGIR.MEŠUruwanaššil DIntar DINGIR.MEŠNašattiyanna

229 -- DKASKAL.KUR ša DŠam(m)an(mi)nuḫi DU EN URUWaššukkanni DU EN gamari ša URUIrride DPartaḫi URUŠūda DNabarwi DŠurūḫi DINANNA MULDIL.BAD54 DŠala DNIN.É.GAL DDAM.KI.NA DIšḫara

230 -- ḪUR.SAGMEŠ u ÍDMEŠ DINGIRMEŠ AN DINGIRMEŠ KI-ti

231 -- ina ŠÀ-bi amāti(MEŠ) annâti55 ša riksi lizziz(z)ū

232 -- liltemmû56

233 -- u lū šībūtu

234 -- šumma atta mŠattiwazza DUMU.LUGAL u LÚMEŠ Ḫurri amāteMEŠ ša riksi annî lā tanaṣṣarā

235 -- atta mŠattiwazza u LÚMEŠ Ḫurri qadu KUR-kunu qadu DAMMEŠ-kunu u qadu mimmû-kunu DINGIRMEŠ (ša) EN mamīti liḫelliqū57

236 -- kīma buqli ištu eltē-šu išaddaddū-kunūši

237 -- kīma ištu libbi bubuwaḫ(ḫ)i šamma lā īšu

238 -- u atta mŠattiwazza qadu DAM-ti šanīti ša taḫḫas-su

239 -- u LÚMEŠ Ḫurri qadu DAMMEŠ-kunu DUMUMEŠ-kunu u qadu KUR-ti-kunu akanna NUMUN lā īšû

240 -- u ilānu annûtu ša bēl mamīti muškēnutta u errišutta liddin-kunūši

241 -- u atta mŠattiwazza GIŠGU.ZA-ka lišbalkitū

242 -- u atta mŠattiwazza nīš DINGIRMEŠ annûti qadu KUR-ti-ka kī GI liḫaṣṣiṣū-ka

243 -- šum-ka u NUMUN-ka ša DAM-ti šanīti ša taḫḫas-su

244 -- ištu KI-ti NUMUN-ka liḫalliq58

245 -- u atta mŠattiwazza qadu KUR-ka ṭūba pašāḫa lā šapāra ina ŠÀ-bi DUMUMEŠ Ḫurri šū-ma liḫliq

246 -- erṣetu lū šurīpu-ma

247 -- teḫliṣṣā

248 -- erṣetu ša KUR-kunu lū sāḫu

249 -- ša nepḫû (?)

250 -- lū tašallâ-ma

251 -- lā tebbirā

252 -- atta mŠattiwazza u LÚMEŠ Ḫurri ana lim DINGIRMEŠ lū LÚKÚRMEŠ at-tu-nu

253 -- likaššidū!-kunūši59

§18'

254 -- šumma atta mŠattiwazza DUMU.LUGAL u L[ÚMEŠ Ḫur-ri] r[i]ksa u mamīta annīta tanaṣṣarā

255 -- atta mŠattiwazza qadu DAM-k[a DUMU.MUNUS LUGAL KUR UR]UḪatti DUMUMEŠ-šu u DUMU.DUMUMEŠ-šu DUMUMEŠ URUḪur-ri qa-du DAMMEŠ-kunu DUMUMEŠ-kunu u qa[du DUMU.DUMUMEŠ-kunu] DINGIRMEŠ annûtu liṣṣurū-kunu

256 -- u KUR URUMittanni kī labirūti ana ašrī-[šu litūr]

257 -- [li]šri

258 -- lirbiṣ

259 -- atta mŠattiwazza DUMUMEŠ-ka u DUMU.DUMUMEŠ-ka ša DUMU.MUNUS L[UGAL KUR URUḪa-at-ti UGU DUMUMEŠ URUḪurri ana LUGAL-ti dārâtim-ma limeʾʾer-šu

260 -- GIŠGU.ZA ša [abī-ka lubbir]60

261 -- KUR URUMittanni lubbir